• Facebook
  • Instagram
  • Youtube

© 2017 SchwarzbuebeTeam - Do trifft mäh sich

AM 3. AUGUST 2019

Und scho wieder verbii!!!

Diä 2. SchwarzbuebeNight isch scho wieder Vergangeheit. Schön isch's gsi! Mir hei eus dörfe über vill Fründe vo dr Night freue, im Ganze über 800 Persone!! Riesig, ganz härzliche Dank! Dir sit ä super Publikum gsi. Das git ä grosse Asporn für ä neui Party.

Das Ganze isch sälbstverständlich ohni die huffe treue Hälfer wo mir immer müesse ha nit möglich. Au dene ganz ä grosses Dankschön, super sit dir immer so spontan derbi!

Wär mir uf kei Fall wei vergässe si d'Sponsore. Ohne diä wer das ganze Fest immer ä unglaublich grosses Risiko. Viele liebe Dank!

Jetz isch alles ufgrumt und zrugg bliebe schöni Erinnerige. Wie dr scho vellicht festgstellt heit, het's ungerem Link "Galerie" ganz ä huffe Bilder vom Fest. Lueget doch ämoll ihne und vellicht gseihet dir euch oder euche Fründe unger all dä tolle Partygäst.

Für Feedback vo euch simer immer uffe und guete Idee sehr willkomme. Mir mache ä chlini Pause zum erhole und mälde denn sälbstverständlich wieder, wenn mir öppis neus am Start hei. Also, lueget eifach vo Zit zu Zit wieder ine, mir bhalte euch uf em Laufende!

Eucher SchwarzbuebeTeam